Rishabh Karanwal, the individual behind Raka Zone Gaming and the carrier of the tag ‘D Sync God’ was right here in the Studios of Sports Digest to share his ideas and thoughts with us. He brings to table authenticity and the best ways through which a gamer can live a stable life and balance it with the family as a whole. Read the transcript along with his video to know more about this gamer and his experiences in life.
Rahul: Hello and Welcome Guys. Aaj hum apko jis personality se milwane wale hain, unhone Student of the Year se lekar Indian Streamer of the Year tak ka mukam hasil kiya hai. Unke isi safar ke safarname ko janne, milwate hain apko Rishabh Karanwal uff Raka se.
Bohot Bohot suagat hai Rishabh apka.
Rishabh: Thank you. Thank you.
Rahul: Mera pehla sawal apse.. Merut ka ladka, brilliant student, gamer kaise bana?
Rishabh: Han, yeh thoda question hai jo bohot kam pucha ja raha hai mujhse. From Merut to yeh gaming streaming ki journey kaise rahi. I was born in Merut, Merut mein mera janam hua tha but jab main 1-1.5 years ka tha tab mere dad Delhi shift hogaye the. So main apne dad mom aur bade bhai ke sath Delhi shift hua. Wahan apni schooling kari. Fir graduation kari. But school aur graduation tak mujhe idea nahi tha ki kya karna hai. But computers mein bohot lagav tha starting se hi, bachpan mein, matlab, 4th, 5th ya 6th standard mein mera PC agaya tha. Wahi jo hum bahana dete hain parents ko, ki homework ke liye chahiye ya hume assignment ke liye chahiye. Chota sa PC banwa ke de diya tha Dad ne toh wahan par hum games khelte the uspe.
Rishabh: Chhutiyon pe jaate the kahin pe toh, coins wali games hoti hain na, arcade games hoti hain, woh cousins se sath khelte the. Toh woh shaunk tha but main sports mein zyada interested tha. Kind of all rounder student tha because mere dad bohot strict the, matlab bohot zyada strict the mere dad. Toh unse na thoda darr lagta tha toh isiliye na thoda padhai mein bhi theek tha main. Extra curricular activities mein bhi theek tha. Pressure mein aane ke baad maine thodi si computer science li, graduation mein computer science li but samajh si nahi aayi matlab maza sa nahi aaya usme. Toh meri ek did hain, unhone recommend kiya ki you should try digital marketing. Toh maine digital marketing padhi and wahan pe first subject mujhe YouTube padhaya gaya. Toh YouTube, mujhe pata laga ki you can actually make money out of gaming. You can stream, game khelte hue. Toh usse pata laga and maine kaha try karte hain. Toh wahan se shuru hua fir.
Rahul: Acha, bachpan mein humne sabne game khele hain. Aapke bachpan ke kaunse favourite game the aur mujhe apne viewers ke liye 25 rupees ki do games wali story daalni hai.
Rishabh: Acha, woh wali. Acha, toh mere bachpan ki all time favourite game toh, jo main arcade game mein khelta tha Tekken 3, matlab Tekken 3 and cadillacs and dinosaur jiska Indian name Mustafa hai. Matlab sab usko Mustafa ke naam se jaante hain ya Tekken 3. Yeh dono game toh main bohot zyada arcade mein khelta tha. Jisme hume 1 Rupees ke 4 sikke milte the. Toh usme 2-3 ghanta araam se bita liye. Ek ghanta kisi aur bade bhai ko dekh kar nikal liya ya sath mein kisi ko dekh kar nikal liya. Uske bad, obviously pocket money ka koi riwaz tha nahi tab. Aur itna ache well background se ho nahi ki pocket money mangu. But Mahine ya do mahine mein ek bar ek exams over hogaye ya test mein ache marks agaye toh bol deta tha ghar pe ki mujhe game khelni hai. Toh matlab mere ghar ke pas ek market thi wahan pe, 25 rs. Ki ek CD milti thi jismein normal game hoti thi, ache graphics wali nahi. But 50 rs. Wali mein ache graphics hote the. Toh main kya karta tha ki 50 rs. Ki pehle DM lekar aata tha, khelta tha. Toh aise do teen bar kara toh mera ek dost aya ghar pe. Kehta kitne ki laya CD. Maine kaha 50 rs. Ki laya hun. Toh ek hi kyun laya hai aise. Kehta tu toh aur la sakta hai. Maine kaha kaise. Tu lekar aa, isko jo installation setup software hai woh install kar le fir tujhe CD ki kya zaroorat hai. Aur itni knowledge this bhi nahi mujhe uss time pe. Main tha 5th ya 6th standard mein aur woh mujhse ek ya do saal bada tha. Yeh acha loophole bataya hai tumne ki yahan se main toh kitni bhi game kar sakta hun. But bar bar jaunga toh use shaq hoga ki yeh kaise nahi chal rahi. Toh main yeh karta tha ki 50 rs. Ki game lata tha, install karta tha vapis uske pass jata tha ki bhaiya nahi chal rahi doosri dedo. Fir woh doosri de deta tha. Fir itni zyada game khareedne lag gaye ki usse jaan pehchan hi hogayi. Woh aise de hi deta tha naam se ya dekh kar.
Rahul: Toh koi bhi streamer. Woh sab chahte hain ki unka name kuch unique ho. Apko apna name selection karne mein kaisa laga aur kitna time laga aur kaise apne yeh name select kiya?
Rishabh: Name select ki bhi ek alag story hai. Actually jab channel maine apna start kara tha main already, I was working in Accenture. Toh main Gurgaon mein kaam karta tha toh, colleagues sare aas paas baithe huye the toh maine unko bola ki yar mujhe ek channel kholna hai. Ek naam suggest kar do. Toh kehte kisse kholna hai, kya kholna. Toh humne socha gaming toh rakhna hi hai because of the SEO. Gaming toh rakhna hi hai, toh mera jo ‘Raka’ naam hai woh mere first aur last initial se aya hai – Rishabh Karanwal.So wahan thoda maine lekar ‘Raka’ rakh liya. Toh itna zayada maine socha nahi. Woh starting mein hota hai na ki sab jaldi jaldi karna hai. Toh Raka wahan se rakha. Fir ek kehta ki yar Raka gaming acha nahi lagega. Thoda aur kuch Beech mein laga, Zone laga de. Toh, wahan se Raka Zone Gaming. Toh yhe do teen colleagues ki madad ke sath ek naam bana.
Rahul: Acha Game play ke time pe, jo audience apko dekh rahi hoti hai. Unko jode rakhne ke liya aap kya trick apnate ho aur kitna important hai unko jode rakhna gameplay ke time pe?
Rishabh: Ye sabse ek bohot important cheez hai ek streamer ke liye because abhi bhi jab humne start kiya tha, tab toh bohot hi rare streamers the, ek do. When I started back in 2017, tab toh do hi streamers the and uske baad maine start kiya and un dono ne ab stream karna chhod diya hai and I think I am the oldest one in the community. Matlab one of the older one kahungi in the community jo ab bhi continue kar raha hai. Toh iske liye toh fir yahi kahungi main ki agar koi streamer isko dekhega toh. Koi agar gameplay dekhega toh bohot sari videos hain YouTube pe ya Internet pe. But kuch unique hona chahiye tumhare mein. Ya toh tum bohot hi zyada funny ho, the way accent kuch hona chahiye jaise main UP se belong karta hun toh mera thoda woh wala accent ata hai. Main aisi family se belong karta hun. Middle class, lower middle class family se toh hum kuch aisi cheezen relate kar pate hain jo audience humse relate kar paye.
Rahul: Acha jab gaming ki baat ho hi rahi hai toh maine apki videos dekhi hain jinki streaming unke time duration ke bad karo toh woh kafi lambi hoti hain. Toh kabhi apko usse koi health issue create huye hain? Toh usse aap kaise tackle karte ho and naye streamer jo apki tarah video stream karna chahte hain unko aap kya tips dena chahoge?
Rishabh: Abhi tak touchwood koi health issues toh nahi huye. But haan mere ko matlab aise bola jata hai ki main bohot lambi lambi streaming karta hoon. Like abhi kuch din pehle hi mere 1 year hua ek streaming ko jisme maine marathon stream kiya tha jisme maine 107 hours continuously jismein maine ek challenge liya tha aur use continue kiya tha. Fir uske baad se main har do teen mahine mein aise challenge leta rehta hun jahan pe main lambi stream karta hoon. Par I make sure ki main proper khana kha raha hun. My diet is proper. So Thanks to my family matlab jab bhi main aisa koi challenge uthata hun toh my family comes into the play. Usually, kuch time bad khade hona, chair se khade hona, stretching karna but daily lifestyle mein bhi main yeh usually prefer karta hoon ki main thodi si exercise karun chahe woh adhe ghante ki ho kabhi kabar ya ek ghante ki ho.
Rahul: Acha, apne ek trend set kiya hai D Sync ka. Toh jahan D Sync ki baat hoti hai wahan Rishabh ki baat hoti hai.
Rishabh: Definitely, D Sync ki ek alag hi story hai. Pubg jab 2017 mein launch huyi thi tab hum woh khelte the. Tab hamare pass servers nahi the India ke liye. Southeast Asia ke bhi itne ache servers nahi the toh usually kya hota tha, D Sync hota tha matlab agar main ek wall ke piche khada hun aur goli akar lagi toh main apni screen pe wall ke piche hun but dynamically main open mein khada hun. Toh woh ek D Sync hota tha and woh bohot hi zyada level pe hota tha. And main bohot zyada khelta tha. Toh main yar ek aise hota tha yar yeh kya D Sync hai yar yeh kya D Sync hai. Toh fir aise hi ek chat pe D Sync hua aur fir ek Maha Purush ji ne jo hai mera ek bohot acha viewer usne gana nikal diya uspe ek funny.. Toh wahan se funny hogaya toh fir hum jo chaar paanch bande jo sath mein khelte the, wahan humne apna ek D Sync group bhi bana liya jahan humne bohot kuch karna shuru kar di. Podcast, Meme reviews. And wahan se shuru hogaya. Toh jab bhi hum sath mein milte hain, toh woh D Sync thoda sa famous kar dete hain.
Rahul: Indian Streamer of the Year 2018, yeh title kya maine rakhta hai apke liye?
Rishabh: Bohot zyada. Mujhe toh yakeen bhi nahi ho raha tha. Main toh gaya bhi nahi tha uss function pe actually. Mere ko invite aya tha but uske sath jab main nominate hua tha toh uske sath aur bhi bade bade naam nominate huye the. Carry Minati nominated that usme, ronnie tha and aur bhi itne bade bade names the jinke huge numbers hain channel ke. Aur uss time pe main I think 100k ya 200k ke around honga uss time pe. Toh mere ko koi umeed bhi nahi lag rahi thi jeetne ki toh main gaya bhi nahi, aur maine kaha kaun jayega but mere ek dost ka phone aya ki tu jeet gaya. Toh mere liye bohot shocking hogaya tha. Maine ghar pe bataya. Uss time pe main job bhi karta tha toh ghar wale bhi itna serious nahi lete the iss cheez ko because again middle class family ke liye wahi hota hai na ki ladka job kar raha hai toh utna hi chahiye. But bohot amazing tha yeh feeling ki itne bade bade, especially itne bade bade numbers aur naam ke samne tum yeh cheez jeeto toh acha laga tha definitely.
Rahul: Acha Rishab main apka Insta follow kar raha tha. Toh usme maine dekha tha ki clip of the Day kar ke video jata hai. Toh apke liye aur apki life ka, clip of the day kya hai?
Rishabh: Meri life ka clip of the day, matlab meri life ka clip of the day hoga ki main most important thing kya kar raha hun. Toh mere liye agar main time se uth jaun like 12 baje se main pehle uth jaun toh mere liye bohot achi achievement ho jati hai. Toh mere liye wohi mera clip of the day hoga.
Rahul: Aj YouTube pe apki itni badi family hai. Kafi sare logon ki aap inspiration ho. Toh YouTube ki family ko aur apni family ko kaise balance karte ho?
Rishabh: Bohot important hai baki logon ke liye bhi. Jo baki creators hain baki streamers hain ki woh iss cheez ko balance karna seekhen. Toh mere sath yahi hai ki main hafte mein ek din off rakhta hun jahan pe main poora time apni family ko deta hun but I make sure ki main din mein ek meal apni family ke sath, humesha kar raha hun matlab jitna bhi time spend karta hun main streaming pe, YouTube pe, apne baki platforms pe, whether it is instagram, twitter ya YouTube. But main make sure karta hun ki din mein main ek meal apni family ke sath khaun. Aur halfte mein ek pura din apni family ke sath bitaun. To main yahi karta hun ki main ek day off lun. Jab bhi kabhi kabar mann karta hai ki sab ke sath khana hai. Ya fir usually Sundays jab sab ka off rehta hai ghar pe and everybody is chilling toh fir main off leta hun and ghar pe baithte hain ya fir kahin jana hota hai toh chale jate hain. Toh iss tareeke se I try to balance but uss din Sunday ko I dont do anything.
Rahul: Ab aap ek platform pe hain, aage ke plans aur iss streaming industry mein kya apko lagta hai ki development hone ki requirement hai?
Rishabh: Streaming industry mein definitely abhi toh shuruat hai matlab abhi main kahunga abhi toh starting phase hai ek streaming ka. Because abhi logon ko globally pata hone lag gaya hai ki streamers hain. Kyunki abhi tak sirf, esports popular hua hai India mein because of obviously PubG Mobile and DGMI ki esports famous hua hai. Dheere dheere ab streamers jab colab karenge aur usually in past years streamers ne colab kiya hai internationally bade bade theaters ke sath aur karte arahe hain. Abhi ek tareeke se shuruat hai aur abhi yeh bohot bohot bohot aage jane wala hai.
Rahul: Jaisa Rishabh apne bataya ki yeh gaming industry aage paanch salon mein bohot aage jane wali hai. Toh zahir si baat hai ki aur bhi log iss industry mein aana chahte honge. Toh passion ko profession mein convert karne ke liye apke kya rules hain jo apne follow kiye?
Rishabh: Mere hisab se hamesha, vaise kehte hain ki agar backup nahi rakhna chahiye. Agar backup hoga toh tum apna 100% nahi de pate. But ye ek aisa genre hai, ek aisa profession hai jo abhi India mein ek dum se full fledged nahi aaya hai. Matlab aisa koi course nahi hai, ya fir tum apne parents ko yeh khul ke nahi bol sakte ki haan mujhe ek gamer banna hai, streamer banna hai ya fir mujhe esports player banna hai ya fir mere ko kuch bhi gaming line mein jana hai. Abhi bhi nahi bologe tum aur parents believe nahi karenge uss cheez ko. Toh mera tip yahi raha hai jo maine bhi khud ko follow kiya hai, jo parents chah rahe the woh karte raho aur uske sath sath thoda time dete raho aur eventually usko balance iss tarah se karo ki tum kuch salon mein uss cheez ko chhod do aur parents ko prove kar do ki han bhai isme itna zyada paisa bhi hai. Obviously parents tumhare yahi chahte hain ki tum kal ko tum apne pairon pe khade ho. You can make your money araam se tum jiyo toh maine bhi yahi kiya tha. Maine initially apne 4 years of streaming apni job ke sath kari thi jahan main pura din mein job karta tha. I used to travel from, matlab meri family Raj Nagar Extension rehti hai toh wahan se main Gurgaon travel karta tha, wapas aata tha, stream karta tha. Yeh maine 4 saal kiya hai yahan pe. Fir jab main Streamer of the Year jeeta aur uske baad maine TedX bhi attend kiye hain do baar, tab mere parents ko laga ki haan ladka serious hai. He is not, matlab time pass nahi kar raha hai woh.
Rahul: Ok Rishabh. Bohot Bohot dhanyawad apka hamare sath judne ke liye. Aur apne itni achi tips new streamer ko di. Bohot bohot dhanywad. Apka shukriya apna keemti samay nikalne ke liye.
Hope you enjoyed the video and the transcript. Stay tuned to know more about your favourite gamers in our exclusive interviews coming right ahead.
“Get more sports news, cricket news, and football updates, log on to sportsdigest.in. Follow us on Facebook or Twitter and Subscribe to our YouTube Channel.”
